“ŞƏRQ ULDUZLARI”NIN NÖVBƏTİ KONSERTİ OLACAQ
Yanvarın 12-də Rəşid Behbudov adına Azərbaycan Dövlət Mahnı Teatrında məşhur “Şərq ulduzları” ansamblının konserti olacaqdır. Konsertdə kinofilmlərdən əvvəllər ifa edilməmiş mahnılar, Azərbaycan xalq musiqisi və xarici estrada mahnıları səslənəcəkdir.
Hər ilin əvvəlində Bakı tamaşaçıları qarşısında çıxış etmək “Şərq ulduzları” üçün ənənəyə çevrilmişdir. İndiki konsertin repertuarına türk, ispan, italyan, ingilis, fransız, fars dillərində və digər dillərdə mahnılar, habelə rəqs nömrələri də daxildir.
Ötən il ansambla çoxlu yeni ifaçı gəlmişdir. Hazırda ansamblın 20-dən artıq üzvü var.
Alla Puqaçovanın estrada teatrında çalışan baletmeyster Nərgiz Sultanova məxsusən konsertdə iştirak etmək üçün Moskvadan paytaxtımıza gəlmişdir.
Ansambl 2003-cü ildə iki xarici səfərə çıxmaq, habelə üç yeni albom buraxmaq niyyətindədir.
Bölmənin digər xəbərləri
