Şərqşünaslıq İnstitutunun əməkdaşları Səudiyyə Ərəbistanında ərəb dilinin tədrisi üzrə təlim keçirlər
Bakı, 5 fevral, AZƏRTAC
Azərbaycan Milli Elmlər Akademiyası akademik Ziya Bünyadov adına Şərqşünaslıq İnstitutunun əməkdaşları Səudiyyə Ərəbistanı Krallığının Ciddə şəhərində Kral Abdullah bin Əbdüləziz adına Ərəb dilinə xidmət üzrə Beynəlxalq Mərkəzin təşkil etdiyi “Ərəb dilinin tədrisi” təlimlərində iştirak edirlər.
Şərqşünaslıq İnstitutundan AZƏRTAC-a bildirilib ki, fevralın 1-dən Ərəb filologiyası şöbəsinin böyük elmi işçisi, filologiya üzrə fəlsəfə doktoru Fatma Məcidova, Beynəlxalq əlaqələr şöbəsinin müdiri, tarix üzrə fəlsəfə doktoru Gülər Qafqazlı, Din və ictimai fikir tarixi şöbəsinin kiçik elmi işçisi Elnur Mustafayev Kral Əbdüləziz Universitetində ərəb dilinin tədrisi üzrə təlim keçirlər.
Təlimlər fevralın 15-dək davam edəcək.
Bölmənin digər xəbərləri
