Serxio Ramos milli komandalarda ən çox qol vuran müdafiəçi kimi tarixə düşüb
Bakı, 7 sentyabr, AZƏRTAC
Futbol üzrə İspaniya milli komandasının kapitanı Serxio Ramos yeni rekorda imza atıb.
AZƏRTAC xəbər verir ki, 34 yaşlı müdafiəçinin rekordu UEFA Millətlər Liqasının qrup mərhələsində Ukraynaya 4:0 hesabı ilə qalib gəldikləri oyunda qeydə alınıb.
Qarşılaşmada dubl edən “Real Madrid” klubunun müdafiəçisi millidə keçirdiyi 172 oyunda 23 qol vurmağı bacarıb. Bununla da o, yığma komandalarda ən çox qol vuran müdafiəçi kimi tarixə düşüb.
S.Ramosdan əvvəl bu rekord Argentina millisinin sabiq müdafiəçisi Daniel Passarellaya məxsus idi. Onun aktivində 22 qol var.
Bölmənin digər xəbərləri
