SƏTTAR BƏHLULZADƏ FOTOLARDA
İlk dəfə olaraq Beynəlxalq Əlaqələr Mərkəzinin “Azərbaycan dünyası” qalereyasında Azərbaycan təsviri sənətinin görkəmli nümayəndəsi, xalq rəssamı Səttar Bəhlulzadənin ömür yolunu əks etdirən fotosərgi açılmışdır.
Qalereyanın müdiri, əməkdar rəssam Arif Hüseynov AZƏRTAC-a bildirmişdir ki, Səttar Bəhlulzadənin doğum gününə həsr olunmuş sərgidə nümayiş etdirilən 50-dən çox fotoşəklin əksəriyyəti şəxsi arxiv və kolleksiyalardan alınmışdır. Onların arasında böyük sənətkarımızın məşhur Meksika rəssamı David Siqeyro ilə Bakıda, 60-cı illərin gənc fırça ustaları, xalq rəssamları Tahir Salahovla, Toğrul Nərimanbəyovla, Asəf Cəfərovla, Neft daşlarına yaradıcılıq ezamiyyətinə gedən Azərbaycan sənətçiləri ilə çəkdirdiyi şəkillər xüsusilə maraqlı və ifadəlidir.
Açılış mərasimində çıxış edən natiqlər Səttar Bəhlulzadənin yaradıcılıq prosesinin, həyat tərzinin, öz həmkarları ilə münasibətinin öyrənilməsində, gənclərin estetik tərbiyəsinin inkişafında sərginin əhəmiyyətini vurğuladılar.
Sərgi yanvarın 12-dək davam edəcəkdir.
Bölmənin digər xəbərləri
