Səudiyyə Ərəbistanında yüksək patogenik quş qripi virusu aşkar edilib
Bakı, 5 fevral, AZƏRTAC
Dünya Heyvan Sağlamlığı Təşkilatı (OIE) Səudiyyə Ərəbistanının Kənd Təsərrüfatı Nazirliyinə istinadla bu ölkədəki quşçuluq fermasında yüksək patogenik H5N8 virusunun (quş qripi) aşkar edilməsi barədə məlumat yayıb.
AZƏRTAC “Əl-Ərəbiyə” telekanalına istinadla xəbər verir ki, Səudiyyə Ərəbistanının Sudair bölgəsində qeydə alınmış virus nəticəsində 22,700 quş tələf olub. Bundan başqa, profilaktika məqsədilə daha 385,300 quş məhv edilib.
Qeyd olunub ki, bu, 2018-ci ilin iyulundan bəri Səudiyyə Ərəbistanında qeydə alınan ilk quş qripidir.
Bölmənin digər xəbərləri
