SİLAH-SURSATI OT TAYASINDA GİZLƏTMİŞDİ …
Daxili İşlər Nazirliyinin Narkotiklərlə Mübarizə İdarəsinin Cənub Bölgəsi üzrə Regional Şöbəsi əməkdaşlarının keçirdiyi əməliyyat tədbirləri nəticəsində Lənkəranın Boladi kənd sakini, 39 yaşlı Şöhrəddin Hüseynova məxsus evin ot tayasından “AKM” markalı avtomat silah, bir ədəd sandıqça və 16 ədəd 7,62 millimetrlik güllə aşkar edilmişdir. Şöbədən verilən məlumata görə, cinayətkar silah-sursatı iki il bundan əvvəl Boladi çayının vadisindən tapdığını bildirmişdir. Narkotiklərin qəbulu və satışı ilə məşğul olduğuna görə Şöhrəddin Hüseynov əvvəllər Rusiyada həbs edilmiş və üç il cəza çəkmişdir. Faktla bağlı təhqiqat aparılır.
Bölmənin digər xəbərləri
