Şimal-qərb bölgəsinin 15 məzunu qızıl və gümüş nişana layiq görülüb
Şəki, 17 iyul, Mustafa Dadaşov, AZƏRTAC
Elm və təhsil nazirinin müvafiq əmrinə əsasən, Şəki-Zaqatala Regional Təhsil İdarəsinin tabeliyindəki ümumi təhsil müəssisələrinin XI sinif məzunlarından 12 nəfəri qızıl, 3 nəfər isə gümüş nişana layiq görülüb.
Bu barədə AZƏRTAC-ın bölgə müxbirinə Regional Təhsil İdarəsinin məsul əməkdaşı Mahal Məmmədov məlumat verib.
Bildirilib ki, qızıl nişana Zaqatala rayonu üzrə 5, Şəki və Qax rayonlarının hər biri üzrə 2, Qəbələ, Oğuz və Balakən rayonlarının hər biri üzrə isə 1 məzun layiq görülüb. Gümüş nişana layiq görülən məzunlar isə Qəbələ, Oğuz və Qax rayonlarını (hər bir rayon üzrə 1 nəfər) təmsil edirlər.
Məzunların qızıl və gümüş nişana layiq görülməsi Nazirlər Kabinetinin müvafiq qərarı ilə təsdiq olunmuş “Ümumi təhsili xüsusi nailiyyətlərlə başa vuran məzunların qızıl və ya gümüş nişanla təltif olunma Qaydası”na əsasən müəyyən edilir.
Bölmənin digər xəbərləri
