Sinoptiklər küləkli hava şəraiti ilə əlaqədar xəbərdarlıq ediblər
Bakı, 30 may, AZƏRTAC
Sinoptiklər ölkə ərazisində gözlənilən küləkli hava şəraiti ilə əlaqədar xəbərdarlıq ediblər.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, mayın 31-i gecə və səhər Bakıda və Abşeron yarımadasında şimal-qərb küləyinin əsəcəyi, sürətinin saniyədə 15-18 metr olacağı, arabir 20 metrədək güclənəcəyi gözlənilir.
Mayın 31-də Azərbaycanın bölgələrində qərb küləyinin əsəcəyi, ayrı-ayrı rayonlarda arabir saniyədə 18-23 metrədək güclənəcəyi proqnozlaşdırılır.
Bölmənin digər xəbərləri
