Sinqapur alimləri Rusiyada epidemiyanın avqustun 24-də başa çatacağını güman edirlər
Moskva, 6 may, AZƏRTAC
Rusiyada koronavirus infeksiyasının yayılmasının başa çatacağı tarixi daha 7 gün irəli çəkilib.
AZƏRTAC xəbər verir ki, Sinqapur alimləri Rusiyada koronavirusun yayılmasının avqustun 17-də başa çatacağını proqnozlaşdırmışdılar. Yenilənmiş araşdırmada alimlər avqustun 24-ü tarixini qeyd ediblər. Rusiya ilə bağlı proqnoz artıq ikinci dəfədir ki, dəyişdirilir. Bundan əvvəl Sinqapur alimləri ölkədə pandemiyanın avqustun 12-də başa çatacağını bildirmişdilər.
Rusiyada hazırda 155 minə yaxın koronavirus infeksiyasına yoluxma faktı qeydə alınıb. Xəstələrin 20 mini sağalıb, 1500 nəfər vəfat edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
