Sinqapur biometrik texnologiyaların tətbiqi sahəsində dünya lideridir
Bakı, 4 aprel, AZƏRTAC
“Maliyyə xidmətləri sahəsində liderlər” adlı beynəlxalq tədqiqatın nəticələrinə görə, Sinqapur maliyyə xidmətləri sektorunda biometrik texnologiyaların (müştərilərin şəxsiyyətinin barmaq izinə görə müəyyənləşdirilməsi) tətbiqi sahəsində dünya lideridir. Sorğuda Sinqapur, Çin, Böyük Britaniya və ABŞ-dan olan 315 şirkət iştirak edib.
AZƏRTAC biometrics.ru saytına istinadla xəbər verir ki, Sinqapurun maliyyə şirkətlərinin 61 faizindən çoxu müştərilərin barmaq izlərini nəzərə alan ikifaktorlu eyniləşdirmədən istifadə edir. Çin bu texnologiyanın yayılma dərəcəsinə görə ikinci yeri tutub (57 faiz). Biometrik texnologiyalardan istifadə Avstraliyada 50 faiz, Böyük Britaniyada 40 faiz, ABŞ-da isə 37 faiz təşkil edib.
Tədqiqatlar göstərib ki, müştərilərin biometrik eyniləşdirilməsi texnologiyası bütün dünyanın maliyyə şirkətləri arasında geniş yayılıb, lakin bu sahədə birincilik Sinqapura məxsusdur.
Bölmənin digər xəbərləri
