Slovakiya MN: “MiQ-29” qırıcılarının Ukraynaya verilməsi ölkənin müdafiə qabiliyyətini azaltmayacaq
Bakı, 20 fevral, AZƏRTAC
Sovet “MiQ-29” qırıcılarının Ukraynaya təhvil verilməsi Slovakiyanın müdafiə qabiliyyətinə təsir etməyəcək, çünki bu təyyarələr uzun müddətdir istifadə olunmur.
AZƏRTAC xəbər verir ki, bu barədə ölkənin Müdafiə Nazirliyinin (MN) rəhbəri Yaroslav Nad bildirib.
“Slovakiya artıq “MiQ-29” qırıcılarından istifadə edilmir. Bu qırıcılar üçün pilotlar hazırlanmır və onların saxlanılması əlavə xərc tələb edir. “MiQ-29”ların Ukraynaya bağışlanması respublikanın müdafiə qabiliyyətini azaltmayacaq”, - deyə nazir qeyd edib.
O həmçinin deyib ki, qırıcıların dəyərinin 50-60 faizi Avropa İttifaqı vasitəsilə Slovakiyaya ödəniləcək.
Y.Nad əlavə edib ki, əgər bu qırıcıların Ukraynaya verilməsi gündəmə gəlsə, o zaman bu məsələ ilk növbədə Slovakiya parlamentində müzakirə olunacaq.
Onun sözlərinə görə, ölkənin Hərbi Hava Qüvvələrində “MiQ-29”u idarə edə bilən cəmi 4 pilot var və belə pilotların hazırlanması Slovakiyanın əvvəlki hökuməti tərəfindən dayandırılıb.
Bölmənin digər xəbərləri
