İslamabad, 6 avqust, AZƏRTAC

Son sutka ərzində Pakistanda daha 671 nəfər COVID-19-a yoluxub və bununla da ölkədə yoluxanların sayı 281 min 136-ya çatıb.

AZƏRTAC Pakistan mətbuatına istinadla xəbər verir ki, son sutkada 15 xəstə ölüb. Ümumiyyətlə ötən müddət ərzində ölkədə bu virusdan dünyasını dəyişənlərin sayı 6 mini ötüb.

Xəstəxanalarda 25 min 65 adam müalicə alır ki, onlardan da 872-nin vəziyyətinin ağır olduğu bildirilir.

Qulu Kəngərli

AZƏRTAC-ın xüsusi müxbiri

İslamabad