SOSİAL MÜDAFİƏ FONDUNDA ÇERNOBIL ƏLİLLƏRİ İLƏ GÖRÜŞ OLMUŞDUR
Fondun direktoru Səlim Müslümov Çernobıl faciəsindən əziyyət çəkən insanlara dövlət qayğısından söhbət açaraq, qeyd etmişdir ki, son 13 ildə bu kateqoriyadan olan əlillərin pensiyaları bir neçə dəfə artırılmışdır. Bu məsələyə regionlarda da xüsusi diqqətlə yanaşılır.
Çernobıl Əlilləri Cəmiyyətinin sədri Mirhəsən Həsənov diqqət və qayğıya görə təşəkkür edərək demişdir ki, hazırda Azərbaycanda 4799 Çernobıl əlili vardır. Onlar dövlətin qayğısını daim hiss edirlər və buna görə də dövlət başçısına minnətdardılar.
Tədbirdə Səlim Müslümov Çernobıl Əlilləri Cəmiyyətinin fəxri üzvü seçilmişdir.
Sonda bir qrup Çernobıl əlilinə fond tərəfindən maddi yardımlar təqdim olunmuşdur.
