SOSİAL SIĞORTA VƏ PENSİYA SAHƏSİNƏ DAİR BEYNƏLXALQ SEMİNAR KEÇİRİLƏCƏK
Dövlət Sosial Müdafiə Fondu sosial sığorta və pensiya sahəsində əməkdaşlığa xüsusi önəm verir. Son bir neçə ildə bu sahədə əməkdaşlığa dair bir sıra dövlətlərlə sazişlər imzalanmışdır.
Fondun mətbuat xidmətindən AZƏRTAC-a bildirmişlər ki, belə sazişlərdən biri də 2008-2009-cu illər üzrə Almaniyanın Federal pensiya sığortası idarəsi ilə bağlanılmışdır. Tərəflər pensiya sığortası orqanlarında informasiya texnologiyalarının tətbiqi, sosial sığorta haqlarının toplanılmasında işəgötürənlər üzərində nəzarət, mətbuat və ictimaiyyətlə iş, informasiya təhlükəsizliyi, pensiya təyinatı üzrə qurumların fəaliyyəti və digər sahələrdə əməkdaşlıq etmək barədə razılığa gəlmişlər.
Sazişdə nəzərdə tutulan mövzuların müzakirəsi ilə bağlı tədbirlər proqramı hazırlanmış və cari ildə hər iki ölkədə müxtəlif mövzuları əhatə edən dörd seminarın keçirilməsi nəzərdə tutulmuşdur.
İlk seminar mayın 19-dan 23-dək Bakıda keçiriləcəkdir.
Bölmənin digər xəbərləri
