Soyğunçuluq etməkdə şübhəli bilinən paytaxt sakini saxlanılıb
Bakı, 10 avqust, AZƏRTAC
Paytaxt sakini R.İsgəndərov Nizami Rayon Polis İdarəsinin 24-cü polis şöbəsinə ərizə ilə müraciət edərək avqustun 4-də bir nəfərin onun içərisində 1200 manat olan pulqabısını açıq talama yolu ilə aparması, “Mercedes” markalı avtomobilində hadisə yerini tərk edərkən paltarından tutub getməsinə mane olması, avtomobili hərəkətə gətirib onu 10-15 metr sürüyərək ayaq və qollarına xəsarət yetirməsi barədə məlumat verib.
Daxili İşlər Nazirliyinin mətbuat xidmətindən AZƏRTAC-a bildiriblər ki, soyğunçuluğu törətməkdə şübhəli bilinən paytaxt sakini, əvvəllər məhkum olunmuş T.Səfərzadə polis əməkdaşları tərəfindən keçirilən əməliyyat-axtarış tədbirləri nəticəsində saxlanılıb.
Onun üzərinə və idarə etdiyi “Mercedes” markalı avtomobilə baxış zamanı 6 qrama yaxın metamfetamin aşkarlanaraq götürülüb.
Faktla bağlı təhqiqat aparılır.
Bölmənin digər xəbərləri
