“Standard and Poor’s” regionda ilk dəfə Serbiyaya investisiya kredit reytinqi təyin edib
Belqrad, 5 oktyabr, AZƏRTAC
“Standard and Poor’s” (S&P) reytinq agentliyi Serbiyaya investisiya dərəcəli kredit reytinqi təyin edib.
AZƏRTAC xəbər verir ki, agentlik Serbiyanın kredit reytinqini “BB+” qeyri-investisiya səviyyəsindən “BBB-” investisiya səviyyəsinə yüksəldib, reytinq üzrə proqnozu “sabit” saxlayıb.
Serbiya Prezidenti Aleksandar Vuçiç “Standard and Poor’s”un qərarını şərh edərkən bunun ölkəsi üçün tarixi məqam olduğunu bildirib. Onun sözlərinə görə, Serbiyanın kredit reytinqinin “BBB-” səviyyəsinə yüksəldilməsi ölkəsinin iqtisadi inkişafında mühüm mərhələdir.
Aleksandar Vuçiç Serbiyanın bu kredit reytinqini Qərbi Balkan regionunda ilk, eyni zamanda, hazırda investisiya səviyyəsində reytinqə malik Avropa İttifaqı üzvlüyünə yeganə namizəd ölkə olduğunu vurğulayıb.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
