Sudanda humanitar yardımlara vergi tətbiq edilib
Bakı, 16 may, AZƏRTAC
Cənubi Sudanda humanitar yardımlara görə vergi tətbiq edilməsi narahatlıq doğurub.
AZƏRTAC xəbər verir ki, hökumət beynəlxalq təşkilatları vergidən azad etsə də, yerlərdə fəaliyyət göstərən QHT-lərə vergi tətbiq edilir. BMT-nin məlumatına görə, bu prosedur aclıqdan əziyyət çəkən 9 milyon insana yardımların çatdırılmasını çətinləşdirir.
Hazırda humanitar yardım üçün nəzərdə tutulan yanacağa və yardımı müşayiət edən şəxslərə vergi tətbiq olunur. Hökumət qərarını belə əsaslandırıb ki, “QHT-lər mənfəət əldə etmək məqsədi güdən özəl şirkətlərdir. Onların vergidən azad edilməsi üçün heç bir əsas yoxdur”.
BMT-nin missiyası vergiyə görə bütün humanitar yardımları qeyri-müəyyən vaxtadək dayandırıb. Missiya bildirir ki, ötən ay 339 000 dollar vergi ödəyib.
Bölmənin digər xəbərləri
