SÜLH DANIŞIQLARINI DAVAM ETDİRMƏK ÜÇÜN ƏN KİÇİK İMKANDAN İSTİFADƏ OLUNMALIDIR
B.Fasye 2005-ci ildə həmsədrlərin gördükləri işlər, səfərləri, eləcə də Azərbaycan və Ermənistan prezidentlərinin Rambuyedə keçirilmiş görüşü haqqında qısa məlumat vermişdir. Görüşün gözlənilən nəticə vermədiyini, son zamanlar atəşkəsin tez-tez pozulduğunu, cəbhə zonasında insan tələfatının artdığını qeyd edən həmsədr bildirmişdir ki, müharibənin davam etdirilməsi çıxış yolu deyil, bu yol çox təhlükəlidir və sonu yoxdur. B.Fasye hər iki ölkənin rəhbərliyi ilə apreldə keçiriləcək görüşlərdən sonra həmsədrlərin may ayının əvvəllərində Moskvada yığışacağını və sonra yenidən regiona səfər edəcəklərini diqqətə çatdırmışdır. Qeyd edilmişdir ki, bu səfərlərdən məqsəd prezidentlərin gələcək görüşünə tez bir zamanda şərait yaratmaqdır. Uzun illər davam edən münaqişənin sülh yolu ilə həlli istiqamətində irəliləyişə nail olmaq üçün imkanlar vardır və bunun üçün ən kiçik şansdan istifadə etmək lazımdır. Biz - həmsədrlər, yeni təkliflər verməklə, görüşləri təşkil etməklə sülhün əldə olunmasına yardımçı ola bilərik, lakin ortaq xətti tapmaq məsuliyyəti tərəflərin üzərinə düşür.
Sonda B.Fasye KİV nümayəndələrinin suallarını cavablandırmışdır.
Fransanın Azərbaycandakı səfiri Bernar Amodrik dü Şafo görüşdə iştirak etmişdir.
Bölmənin digər xəbərləri
