“Sumqayıt” futbol klubunun müşahidə şurası yaradılmışdır
Bakı, 28 sentyabr (AZƏRTAC). AFFA İcraiyyə Komitəsinin iclasında Topaz Premyer Liqasında çıxış edən klublarda müşahidə şurası yaradılması ilə bağlı qərar qəbul olunmuşdur.
AFFA-dan AZƏRTAC-a bildirmişlər ki, bununla əlaqədar olaraq “Sumqayıt” futbol klubu müşahidə şurasının tərkibini elan etmək məqsədi ilə mətbuat konfransı keçirilmişdir.
Konfransda “Sumqayıt” futbol klubunun prezidenti Kamran Quliyev çıxış edərək əvvəlcə “Sumqayıt” futbol klubunun yeni strukturu və müşahidə şurasının tərkibi haqqında məlumat vermişdir.
Şuranın tərkibində Muxtar Babayev (“Azərikimya” İstehsalat Birliyinin (İB) Müşahidə Şurasının sədri), Hacı Salayev (Milli Məclisin deputatı), Elgin Həbibullayev (Sumqayıt Şəhər İcra Hakimiyyəti başçısının müavini), Vaqif Ömərov (“Azərikimya” İB həmkarlar ittifaqı komitəsinin sədri), Mürsəl Rüstəmov (“Paşa Həyat Sığorta” ASC-nin idarə heyətinin sədri), Telman Salahov (Əməkdar Məşqçi, SSRİ İdman Ustası, futbol veteranı), Abdulla Məmmədov (Azərbaycan Respublikasının fəxri bədən tərbiyəsi və idman işçisi) yer almışlar.
Bölmənin digər xəbərləri
