“Sumqayıt” klubu öz rekordunu yeniləyib
Bakı, 13 noyabr, AZƏRTAC
Azərbaycan Premyer Liqasının XIII turunda “Neftçi”yə 2:1 hesabı ilə qalib gələn “Sumqayıt” yeni uğura imza atıb.
AZƏRTAC Peşəkar Futbol Liqasının rəsmi saytına istinadən xəbər verir ki, bu, xallarının sayını 21-ə çatdıran Samir Abasovun komandasının qış fasiləsinə qədər olan dövr üçün mütləq rekordudur.
“Gənclik şəhəri” təmsilçisi heç vaxt fasiləyədək bu qədər xal toplamayıb. Premyer Liqada 2011/2012-ci illər mövsümündə debüt edən “Sumqayıt” qışadək 14, hətta 18 oyun keçirdiyi vaxtlarda da az xal yığıb. Bunadək rekord 20 xala bərabər idi. Komandanın aktivində 2012/13 mövsümündə 18, 2017/2018-ci illər mövsümündə isə 14 matçdan sonra 20 xal olub.
Qeyd edək ki, qış fasiləsinə qədər qalan 5 turda sumqayıtlılar bu rekordu yeniləmək imkanına da malikdir.
Bölmənin digər xəbərləri
