SUMQAYIT ŞƏHƏRİNƏ YENİ ŞOLLAR SU KƏMƏRİ ÇƏKİLƏCƏKDİR
AZƏRTAC xəbər verir ki, Sumqayıt şəhərini şollar suyu ilə təmin edəcək ikinci kəmərin çəkilməsi planlaşdırılır.
Dənizin kənarı ilə çəkiləcək yeni kəmərin uzunluğu 9,8 kilometr olacaqdır. Bununla yanaşı, mövcud şollar su xətti də yeniləşdiriləcəkdir. Yeni su kəməri Sumqayıt şəhərinin şimal hissəsini və son illərdə salınmış yaşayış massivlərini içməli su ilə təmin edəcəkdir.
Kəmərin layihəsi “Azərsu” SC-nin Su Kanal Elmi Tədqiqat və Layihə İnstitutu tərəfindən hazırlanmışdır və inşaat işləri dövlət büdcəsindən maliyyələşdiriləcəkdir. Yaxın günlərdə Sumqayıt Şəhər İcra Hakimiyyətində layihənin təqdimatının keçirilməsi nəzərdə tutulur.
Yeni kəmərin tikintisinə bu ilin sonu, gələn ilin əvvəllərində başlanılması planlaşdırılır.
Bölmənin digər xəbərləri
