CƏMİYYƏT
Suraxanı rayonunda sərnişin avtobusunun vurduğu piyada ölmüşdür
Bakı, 14 noyabr (AZƏRTAC). Suraxanı rayonunun Bülbülə qəsəbəsinin ərazisində Bakı şəhər sakini Ağabala Babayev idarə etdiyi “Daevoo” markalı avtobusla Nailə Abbasovanı vurmuşdur. Xəstəxanaya yerləşdirilmiş piyadanın həyatını xilas etmək mümkün olmamışdır.
Gəncə şəhər sakini Nizami Əkbərov isə idarə etdiyi “Mercedes” markalı avtomobillə Tovuz rayonunun ərazisində Əyyublu kənd sakinləri Aygün Cəfərovanı və İlqar Yusibovu vurmuşdur. İ.Yusibov hadisə yerində ölmüş, A.Cəfərova xəstəxanaya yerləşdirilmişdir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, hər iki hadisə ilə bağlı cinayət işi açılmışdır, araşdırmalar davam etdirilir.