SÜRÜCÜ HADİSƏ YERİNDƏ ÖLMÜŞDÜR
AZƏRTAC xəbər verir ki, Sabunçu rayonunun Zabrat qəsəbəsi ərazisində, Sumqayıt şəhər sakini Etimad Nəsibovun idarə etdiyi “VAZ-2107” markalı və Badamdar qəsəbə sakini Ramiz Nurəddinova məxsus “Jeep” markalı avtomaşınlar toqquşmuşdur. Nəticədə “Juqili”nin sürücüsü hadisə yerində ölmüş, sərnişini Bağır Əliyev isə xəstəxanaya yerləşdirilmişdir.
Nizami rayonu ərazisində isə Keşlə qəsəbəsinin sakini Nəriman Novruzov “İveko” markalı avtomaşınla Bakı şəhər sakini Fərəc Abdullayevi vurmuşdur. Nəticədə F.Abdullayev hadisə yerində keçinmişdir.
Hər iki faktla bağlı cinayət işi açılmışdır, təhqiqat aparılır.
