Şuşalı seçici: Bu gün ikiqat sevinc, qürur hissi keçirirəm
Şuşa, 7 fevral, Tahir Ağaməmmədov, AZƏRTAC
Bu gün bir şuşalı kimi ikiqat sevinc, qürur hissi keçirirəm. Çünki xəyallarımız gerçəkləşib, Qarabağımıza, Şuşamıza qovuşmuşuq. Çünki prezident seçkiləri ölkəmizin bütün ərazisində keçirilir və mən öz doğma yurdumda səs verirəm.
Bunu AZƏRTAC-ın bölgə müxbirinə müsahibəsində Şuşa şəhər 1 nömrəli tam orta məktəbin binasında yaradılmış 105 saylı seçki məntəqəsində səs verən Şuşa sakini Elşən İsmayılov deyib.
“Şuşa şəhərində fəaliyyət göstərən modul tipli xəstəxananın təcili yardım briqadasında işləyirəm. Seçki məntəqəsinə böyük ruh yüksəkliyi ilə gəlib, istədiyim namizədə səs verdim. Məntəqədə səsvermə üçün yaradılan şəraitdən razıyam. Qoy, bu seçki xalqımız və dövlətimiz üçün uğurlu olsun”, - deyə şuşalı seçici bildirib.
Bölmənin digər xəbərləri
