Tacikistanda da koronavirus olduğu rəsmi elan edilib
Düşənbə, 1 may, АZƏRTAC
Tacikistanda COVID-19-a yoluxan 15 nəfərin olduğu rəsmi şəkildə etiraf edilib.
AZƏRTAC xəbər verir ki, bu haqda Tacikistan Səhiyyə Nazirliyi məlumat yayıb. Bildirilir ki, bu virus Düşənbədə 10 nəfərdə, Soqd vilayətində 5 nəfərdə aşkar olunub.
Nazirliyin rəsmi məlumatına görə, bu il fevralın 1-dən aprelin 30-dək Tacikistanda 10937 nəfər karantində olub, 8438 nəfər evə buraxılıb. Hazırda 2 min nəfər xəstəxanadadır. Bunun üçün Düşənbənin altı xəstəxanası ayrılıb. Pasiyentlərin yaş həddi 18-dən 80-nə qədərdir.
Qulu Kəngərli
AZƏRTAC-ın xüsusi müxbiri
Düşənbə
Bölmənin digər xəbərləri
