TAİLANDIN KRALI ƏLAHƏZRƏT BHUMİBOL ADULYADEJƏ
Ölkənizin milli bayramı – Təvəllüd gününüz münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edirəm.
Ümidvaram ki, Azərbaycan ilə Tailand arasında təşəkkül tapmış dostluq münasibətlərinin inkişafı, genişlənməkdə olan əməkdaşlığımız bundan sonra da xalqlarımızın rifahına xidmət edəcəkdir.
Bu xoş fürsətdən istifadə edərək, Sizə ən səmimi arzularımızı yetirir, möhkəm cansağlığı, işlərinizdə uğurlar, dost Tailand xalqına sülh və tərəqqi diləyirəm.
Hörmətlə,
İlham Əliyev
Azərbaycan Respublikasının Prezidenti
Bakı, 24 noyabr 2006-cı il.
Bölmənin digər xəbərləri
