TANINMIŞ İLLÜZİONİST DEVİD KOPPERFİLD QARƏTÇİLƏRİ BARMAĞINA DOLAMIŞDIR
AZƏRTAC-ın İTAR-TASS agentliyindən aldığı xəbərə görə, Florida ştatının Uest-Palm-Biç şəhərində çıxış edən 49 yaşlı Kopperfild iki assistenti ilə birlikdə avtobusa doğru gedən zaman qəflətən yanlarında dayanan maşından silahlı qarətçilər çıxmışlar. Qarətçilər qadınlardan ümumən 500 dollar, 200 avro, habelə onların pasportlarını, mobil telefonlarını, 2 təyyarə bileti götürmüşlər. Lakin illüzionistin üst-başını cidd-cəhdlə axtarsalar da, heç nə tapa bilməmişlər.
Onlar sehrbazın cibində axtarış zamanı pasport, mobil telefon və xeyli pul olduğunu sonradan öyrənmişlər. Bunu Kopperfild jurnalistlərə bildirmişdir. Onun sözlərinə görə, qarətçiləri çox asanlıqla aldatmış, bu məqsədlə cibləri çevirmək kimi köhnə tryukundan istifadə etmişdir. Bundan əlavə, o, maşının nömrəsini də yadında saxlamışdır. Qarətçiləri bunun sayəsində yaxalamaq mümkün olmuşdur. Onlar ələ keçirdiklərindən istifadə etməyə belə macal tapmamışlar. Hazırda onlar silahlı qarətdə ittiham olunurlar.
Bölmənin digər xəbərləri
