Bakı, 22 sentyabr, AZƏRTAC

Milli Azərbaycan Tarixi Muzeyinin Etnoqrafiya fondunda zəngin pilək tikmə kolleksiyasından öz bədii tərtibatı və növ etibarilə seçilən qanovuz pərdə qorunur. Həmin nadir sənət incisi 1883-cü ildə hazırlanıb.

Bu barədə AZƏRTAC-a muzeydən məlumat verilib.

Pərdənin mərkəzi hissəsində stilizə edilmiş ağac və kənarlarında pilək tikmə növü üçün xarakterik olan gülabdan təsvirləri verilib. Eksponatın kənar haşiyələri isə fərqli rəngdə piləklərdən ibarət gül naxışları ilə bəzədilib.

Azərbaycanda güləbətin, təkəlduz, pilək və bir sıra digər tikmə növləri mövcud olub. Onların sırasında pilək tikmə sənəti qədim tarixə malikdir.