TAXIL SAHƏLƏRİNİN MƏHSULDARLIĞI YÜKSƏLMİŞDİR
İmişlinin torpaq sahibkarları 15 min 890 hektar sahədə yetişdirdikləri taxıl məhsulunu itkisiz yığırlar. Məhsuldarlıq xeyli yüksəlmişdir. 2 min 640 hektar arpa sahəsinin məhsulu tamamilə biçilib döyülmüş, 7 min 972 ton məhsul toplanmışdır. Hər hektarın məhsuldarlığı 30,3 sentner- ötən ildəkindən təxminən 4 sentner çox- təşkil etmişdir. Rayonda hələlik 6 min 158 hektar buğda zəmisinin məhsulu biçilmiş, 18 min 657 ton məhsul toplanmışdır. Hər hektarın orta məhsuldarlığı 30,5 sentnerdir. Bu, ötən ilin müvafiq nəticəsi ilə müqayisədə 5 sentner artıqdır. Rayonda taxıl biçininin iyulun 20-dək qurtaracağı və daha yüksək məhsul yığılacağı proqnozlaşdırılır.
Bölmənin digər xəbərləri
