TAXILÇILIQ İNKİŞAF ETDİRİLİR
Göyçay Rayon İcra Hakimiyyətinin aqrar şöbəsindən AZƏRTAC-ın müxbirinə bildirmişlər ki, rayonda əkin sahələri genişləndirilir, məhsul istehsalı ilbəil artır. Ötən il rayonda 41 min 525 ton taxıl istehsal edilmişdir ki, bu da 2000-ci ilə nisbətən 23 min 525 ton, 2003-cü ilə nisbətən 1825 ton, 2004-cü ilə nisbətən isə 1115 ton çoxdur. Son beş ildə orta məhsuldarlıq 5 sentner artaraq 20,8 sentnerə çatmışdır.
Rayonun taxılçılıqla məşğul olan torpaq mülkiyyətçiləri 16 min 103 hektar sahədə səpin aparmış, hər yerdə yaxşı çıxış almışlar. Hazırda yaz becərilməsi aparılır. Son günlər əlverişsiz hava şəraitinə baxmayaraq, 6 min 293 hektar sahəyə gübrə verilmiş, 1294 hektarda isə suvarma işləri davam etdirilir.
Bölmənin digər xəbərləri
