TEATR QASTROLDAN QAYITMIŞDIR
Azərbaycan Dövlət Musiqili Komediya Teatrının aktyorları bu günlərdə ölkəmizin bölgələrinə qastroldan qayıtmışdır. Yaradıcı kollektiv Lənkəran, Biləsuvar və Cəlilabad rayonlarında olmuşdur.
Teatrın müdiriyyətindən AZƏRTAC-a bildirmişlər ki, qastrol günlərində “Subaylarınızdan görəsiniz” tamaşası göstərilmişdir. Tamaşanın quruluşçu rejissoru xalq artisti Yaşar Nuridir. Rolları əməkdar artistlər Ramiz Məmmədov, Səmayə Musayeva, aktyorlar Nadir Xasıyev, Xanlar Muradov, Kəmalə İsayeva və başqaları ifa etmişlər.
Bölmənin digər xəbərləri
