TƏBİİ FƏLAKƏTİN NƏTİCƏLƏRİ ARADAN QALDIRILMIŞDIR
Rabitə və İnformasiya Texnologiyaları Nazirliyindən AZƏRTAC-a bildirmişlər ki, Kür çayında suyun səviyyəsinin qalxması nəticəsində Salyan, Neftçala rayonlarının Kürqırağı kəndlərində bir çox evlərə, inzibati binalara ziyan dəymiş, bəzi poçt şöbələri də yararsız hala düşmüşdür. Salyanın Kərimbəyli kəndində inzibati binada yerləşən poçt şöbəsinin fəaliyyətinin dayanması sakinləri bir müddət poçt xidmətindən məhrum etmişdir.
Salyan poçtamtı sakinlərin tələbatını nəzərə alaraq tez bir zamanda kənddə yeni poçt şöbəsini istifadəyə vermişlər.
