“TƏCİLİ YARDIM” STANSİYASI YENİ AVTOMOBİLLƏR ALMIŞDIR
Müstəqillik günü ərəfəsində Səhiyyə Nazirliyi şəhərə üç yeni təcili yardım maşını ayırmışdır. Onlardan biri reanimasiya maşınıdır. Sumqayıt təcili yardım stansiyası şəhərin və ətrafdakı qəsəbələrin əhalisinə təcili tibbi yardım göstərir. Stansiyanın filialları şəhərin uzaq mikrorayonlarından birində və Hacı Zeynalabdin Tağıyev adına qəsəbədədir.
Şəhər səhiyyə şöbəsindən AZƏRTAC-ın müxbirinə bildirmişlər ki, “təcili yardım” stansiyasının maddi bazası xeyli yaxşılaşdırılmışdır. Təkcə son beş ildə 13 yeni “təcili yardım” maşını alınmışdır.
