Tələbələr Xocalı qurbanlarını unutmur
Bakı, 26 fevral (AZƏRTAC). Fevralın 26-da Bakı Avrasiya Universitetində (BAU) Xocalı faciəsinin 22-ci ildönümü ilə bağlı “Xocalı - qan yaddaşımız”adlı tədbir keçirilmişdir.
Universitetin ictimaiyyətlə əlaqələr şöbəsindən AZƏRTAC-a bildirmişlər ki, anma tədbirində BAU-nun prorektoru, professor Nazim Cəfərli Xocalı faciəsinin tarixi, səbəbləri haqqında məruzə etmişdir.
Universitetin ictimaiyyətlə əlaqələr şöbəsinin müdiri Şəfayət Əliyev Xocalı faciəsinin dünyada tanıdılması istiqamətində hədəfləri açıqlayaraq, bu yöndə dövlətin apardığı işləri dəyərləndirərək gəncləri hər zaman bu işə dəstək verməyə çağırmışdır.
Sonra bu ali təhsil ocağının həyətində 120 tələbənin iştirakı ilə flaşmob təşkil edilmişdir. Tələbələr öz hərəkətləri ilə universitetin həyətində “Xocalı-22”, “Hec vaxt unudulmayacaq” və digər sözlər yazaraq faciə qurbanlarını və haqq səsimizi dünyaya çatdırmağa çalışmışlar.
BAU-nun Tələbə Gənclər Təşkilatının təşşəbbüsü ilə 100-dən çox tələbə “Xocalı unudulmadı”, “Xocalı qan yaddaşımız” şüarları altında “Xocalı abidəsinə” yürüş də təşkil edilmişdir.
Bölmənin digər xəbərləri
