TƏRƏFLƏR ƏLAQƏLƏRİN İNKİŞAFINDA MARAQLIDIRLAR
Milli Məclisin sosial siyasət daimi komissiyasının sədri Hadi Rəcəbli parlamentin fəaliyyəti barədə qonaqlara ətraflı məlumat vermişdir. O demişdir ki, Azərbaycan özünün qanunvericilik bazasını daha da möhkəmlətmək üçün Rusiya Federasiyasının, Türkiyənin və qabaqcıl Avropa ölkələrinin model qanunlarından istifadə edir.
Səmimi qəbul və ətraflı məlumat üçün minnətdarlığını bildirən Stavropol diyarı Dövlət Dumasının deputatı Anatoli Baturin özünün Azərbaycanda doğulub boya-başa çatmasını, keçmiş Azərbaycan Dövlət Neft-Kimya İnstitutunu bitirdiyini diqqətə çatdırdı. O dedi ki, Bakıya gəlməkdən məqsəd doğma diyarla əlaqələri inkişaf etdirmək, ilk növbədə isə qanunverici orqanlar arasında münasibətləri genişləndirməkdir.
Sonra tərəflər qanunverici orqanlar arasında, eləcə də digər sahələr üzrə əlaqələrin genişlənməsində maraqlı olduqlarını bildirmiş, fikir mübadiləsi aparmışlar.
Bölmənin digər xəbərləri
