TƏRTƏRDƏ “HEYDƏR ƏLİYEV VƏ QADIN SİYASƏTİ” MÖVZUSUNDA DƏYİRMİ MASA KEÇİRİLMİŞDİR
AZƏRTAC xəbər verir ki, Yeni Azərbaycan Partiyası (YAP) Tərtər rayon təşkilatı qadınlar şurasının təşəbbüsü ilə “Heydər Əliyev və qadın siyasəti” mövzusunda dəyirmi masa keçirilmişdir.
YAP Tərtər rayon təşkilatı qadınlar şurasının sədri Xatirə Məmmədova məruzə etmiş, ulu öndərin xalqımız qarşısında misilsiz xidmətlərindən, Azərbaycan qadınına olan diqqət və qayğısından danışmışdır.
Dəyirmi masada çıxış edən digər natiqlər ümummilli liderin həyat və fəaliyyətindən söz açmışlar. Bildirilmişdir ki, ulu öndərin apardığı məqsədyönlü, müdrik və uzaqgörən siyasət nəticəsində ölkədə sosial-iqtisadi inkişafa nail olunmuş, respublikamız qüdrətlənmişdir.
Vurğulanmışdır ki, tərtərlilər qarşıdan gələn prezident seçkilərində ulu öndərin siyasi xəttinin layiqli davamçısı İlham Əliyevi dəstəkləyəcək, Azərbaycanın xoş gələcəyinə, çiçəklənməsinə, sosial-iqtisadi inkişafa və əmin-amanlığa səs verəcəklər.
Bölmənin digər xəbərləri
