“TEXNİKABANK”IN MALİYYƏ HESABATININ BEYNƏLXALQ AUDİTİ BAŞA ÇATMIŞDIR
“Texnikabank”dan AZƏRTAC-a bildirmişlər ki, beynəlxalq standartlara uyğun hazırlanmış hesabata görə, bankın 2005-ci il dekabrin 31-nə aktivləri 318 milyard manat, kredit portfeli 211 milyard manat, əsas vəsaitlərin həcmi 24 milyard manat, əhalinin əmanətləri 78 milyard manat, hüquqi şəxslərin müddətli depozitləri isə 8 milyard manat təşkil etmişdir. Keçən il bankın gəliri 56 milyard manat, mənfəəti isə 22 milyard manat olmuşdur. İlin əvvəli ilə müqayisədə bank aktivləri 46 faiz, kredit portfeli 70 faiz, bankın əsas vəsaitlərinin həcmi 1,4 dəfə, əhalinin əmanətləri 1,1 dəfə, müştərilərin cari hesabları 39 faiz, hüquqi şəxslərin müddətli depozitləri 48 faiz, mənfəət isə 57 faiz artmışdır.
Bankın cari ilin birinci rübünün hesabatında da artım müşahidə olunmuşdur. Belə ki, aktivlər 10 faiz artaraq 69 milyon manata, kredit portfeli 4 faiz artaraq 47 milyon manata, müştəri depozitləri 14 faiz artaraq 42 milyon manata çatmışdır.
Bölmənin digər xəbərləri
