Topaz Premyer Liqası: “Zirə” səfərdə minimal hesabla “Səbail”ə qalib gəlib
Bakı, 5 may, AZƏRTAC
Mayın 5-də futbol üzrə Topaz Premyer Liqasının XXVI turunda “Səbail” komandası “Zirə”ni qəbul edib.
AZƏRTAC xəbər verir ki, “Bayıl Arena”da keçirilən qarşılaşmada “Zirə” 1:0 hesabı ilə qalib gəlib. Oyunda yeganə qolu matçın 16-cı dəqiqəsində Müşfiq İlyasov vurub. Qalan dəqiqələrdə qapılara top vurulmayıb və matç “Zirə”nin minimal hesablı qələbəsi ilə başa çatıb.
Bu qələbədən sonra zirəlilər 38 xalla dördüncü pillədəki yerlərini qoruyublar, “Səbail” isə 23 xalla yeddinci pillədə qərarlaşıb.
Günün ikinci qarşılaşmasında “Qəbələ” klubu doğma meydanda “Keşlə” ilə qarşılaşır.
Tura mayın 6-da oynanılacaq “Qarabağ”-“Neftçi” görüşü ilə yekun vurulacaq.
Bölmənin digər xəbərləri
