TOVUZ ŞƏHƏRİNDƏ İKİ VAQON RELSDƏN ÇIXMIŞDIR
Tovuz dəmir yolu vağzalının rəisi Əhməd Əhmədov AZƏRTAC-ın müxbirinə bildirmişdir ki, hərəsində 120 ton dizel yanacağı olan hər iki vaqon-çən relsdən çıxaraq təxminən 60-70 metr sürüşüb. Xoşbəxtlikdən vaqonlar aşmayıb, yanacaq dağılmayıbdır. Gəncə və Ağstafa dəmiryolçuları tovuzlu həmkarlarına köməyə gəlmişlər. Onlar relslərin sıradan çıxmış hissəsinin bərpası və vaqonların relslərə qaldırılması ilə məşğuldurlar. Qəza qısa müddət ərzində aradan qaldırılacaqdır.
Xatırladaq ki, qəza digər qatarların hərəkətinə mane olmamışdır. Onlar ehtiyat yolla hərəkət edirlər.
