TRENİNQLƏR BAŞA ÇATMIŞDIR
İki hissədən ibarət olan təlim proqramı DİS Layihəsinin rəhbəri Mete Durdağ, beynəlxalq treninq mütəxəssisi Riçard Anson və dövlət maliyyəsi və sosial sahələr üzrə mütəxəssis Sevinc Həsənova tərəfindən təqdim edilmişdir. Treninqlərin birinci mərhələsi bu il fevralın 6-dan 28-dək, ikinci mərhələsi isə martın 13-dən aprelin 6-dək İqtisadi İslahatlar Mərkəzində keçirilmişdir.
Treninqlərdə Nazirlər Kabinetinin, habelə İqtisadi İnkişaf, Maliyyə, Nəqliyyat, Sənaye və Energetika, Mədəniyyət və Turizm, Ekologiya və Təbii Sərvətlər, Təhsil nazirliklərinin 80-ə yaxın nümayəndəsi iştirak etmişdir.
İnteraktiv şəkildə keçirilən treninqlər zamanı iştirakçılar davamlı və tarazlaşdırılmış makroiqtisadi siyasət və strategiya məsələlərini müzakirə etmiş, həmçinin investisiya layihələrinin təhlili, qiymətləndirilməsi və monitorinqinə dair nəzəri və praktik məşğələlərdə iştirak etmişlər. Treninqin sonunda iştirakçılara sertifikatlar verilmişdir.
Bu cür treninqlər payızda da keçiriləcəkdir.
Bölmənin digər xəbərləri
