“Turizmdə sahibkarlıq fəaliyyətinin əsasları və turizm işinin təşkili” mövzusunda təlim keçirilib
Bakı, 21 oktyabr, AZƏRTAC
Bakı KOB İnkişaf Mərkəzi (KOBİM) tərəfindən sahibkarlar üçün “Turizmdə sahibkarlıq fəaliyyətinin əsasları və turizm işinin təşkili” mövzusunda növbəti təlim keçirilib.
KOBİA-dan AZƏRTAC-a bildirilib ki, 10-a yaxın KOB subyektinin iştirak etdiyi təlimdə Bakı KOBİM-in eksperti tərəfindən turizmdə sahibkarlıq fəaliyyəti, turizm istiqamətləri, müştəri-turist xidmətləri, bələdçi və tur rəhbərləri, korporativ və fərdi satış, satış növləri, brendləşmə və marketinq, məhsul və onun təqdimatı, müştəri etirazları və həlli barədə ətraflı məlumat verilib. Eyni zamanda, iştirakçılarla mövzu ətrafında müzakirələr aparılıb, onları maraqlandıran suallar cavablandırılıb.
Bölmənin digər xəbərləri
