Türkdilli ölkələrdə futbolun inkişafı məsələləri müzakirə olunub
Bakı, 5 oktyabr, AZƏRTAC
FIFA-nın dəstəyi ilə Daşkənddə türkdilli ölkələrin - Azərbaycan, Özbəkistan, Türkmənistan, Qırğızıstan, Qazaxıstan, Türkiyə və Macarıstan futbol federasiyalarının rəsmi şəxsləri arasında görüş keçirilib.
AFFA-dan AZƏRTAC-a verilən məlumata görə, futbolun inkişafı istiqamətində müzakirələrin aparıldığı görüşdə Asiya Futbol Konfederasiyasının və UEFA-nın nümayəndələri də iştirak ediblər.
Toplantıda milli komandalar, klublar arasında beynəlxalq yarışların təşkili perspektivləri müzakirə olunub. Həmçinin futbol mütəxəssislərinin, məşqçilərin, hakimlərin qarşılıqlı inkişafı, işbirliyinin qurulmasının vacibliyi qeyd olunub.
Qeyd edək ki, görüşdə FIFA-nın Avropa Milli Assosiasiyaları üzrə direktoru Elxan Məmmədov da iştirak edib.
Bölmənin digər xəbərləri
