TÜRKİYƏ-ABŞ MÜNASİBƏTLƏRİ MÜZAKİRƏ EDİLMİŞDİR

18.07.2003 [16:32]
Çap et
A⁺ A^-

Xəbər verdiyimiz kimi, Türkiyə və ABŞ hərbçiləri arasında Şimali İraqda yaranmış münaqişənin araşdırılması üzrə birgə komissiyanın iclaslarının yekunlarına dair iki ölkənin rəsmi nümayəndələrinin iyulun 15-də Ankarada birgə bəyanatı yayılmışdır. Bəyanatda bildirilir ki, belə təhlükəli hadisələrə bir daha yol verməmək üçün Türkiyə və ABŞ orada özlərinin birgə fəaliyyətinin əlaqələndirilməsini yaxşılaşdıracaqlar.

Bununla yanaşı, ABŞ müdafiə naziri Donald Ramsfeld Prezident Corc Buşun adından Türkiyənin baş naziri Rəcəb Tayyib Ərdoğana məktub göndərmişdir. Məktubda NATO üzrə iki müttəfiq dövlətin hərbçiləri arasında Şimali İraqda baş vermiş hadisənin arzuedilməz olduğu vurğulanmış, ABŞ-ın Türkiyəyə və Türk Silahlı Qüvvələrinə inamı, etibarı və hörməti ifadə edilmişdir. ABŞ-ın strateji müttəfiqi kimi Türkiyənin bu ölkə üçün əhəmiyyəti nəzərə çarpdırılmışdır.

İyulun 16-da İstanbulda Türkiyə-ABŞ Əməkdaşlıq Komitəsinin iclasında çıxış edən ABŞ-ın bu ölkədəki səfiri Robert Pirson demişdir: “4 iyul hadisəsindən sizin kimi, biz də çox təəssüflənirik. Kaş ki, belə hadisə baş verməyəydi”.

Türkiyə baş nazirinin müavini və xarici işlər naziri Abdulla Gül isə jurnalistlərin suallarına cavab verərkən demişdir ki, iyul ayının sonunda ABŞ-a nəzərdə tutulan işgüzar səfərini təxirə salmayacaqdır.

TÜRKİYƏ-ABŞ MÜNASİBƏTLƏRİ MÜZAKİRƏ EDİLMİŞDİR

MÜƏLLİFLƏ ƏLAQƏ

Bölmənin digər xəbərləri