TÜRKİYƏ AVROPA BİRLİYİNİN TƏKLİFİNİ RƏDD ETMİŞDİR
Avropa Birliyinin Kopenhagendə keçirilən sammitində iştirak edən Türkiyə nümayəndə heyətinə yaxın dairələrdən məlum olmuşdur ki, Türkiyə onun Avropa Birliyinə qəbul olunması barədə danışıqlara 2004-cü ilin dekabrında başlanması qərarını rədd etmişdir.
Bu qərar Avropa Birliyinə daxil olan 15 ölkənin liderləri tərəfindən qəbul olunmuşdur. Onlar Ankaradan Birliyə daxil olmaq üçün bir sıra şərtləri yerinə yetirməyi tələb etmişlər.
Türkiyə rəhbərliyi danışıqlara gələn il başlamaqda təkid edir. İTAR-TASS xəbər verir ki, Almaniya və Fransa danışıqlara 2005-ci ilin ortalarında başlamağı təklif etmişlər. Sammit iştirakçıları isə hər iki tərəfi razı salmaq üçün 2004-cü ilin dekabrını məqbul saymışlar.
Bölmənin digər xəbərləri
