TÜRKİYƏ BOĞAZLARINDA YENİ RADAR SİSTEMİ QURAŞDIRILIB
İyulun 1-də Türkiyənin Gəmi Nəqliyyatı Nəzarət Mərkəzində təntənəli mərasim keçirilmişdir. AZƏRTAC-ın Ankaradakı xüsusi müxbiri xəbər verir ki, Türkiyənin baş naziri Rəcəb Tayyib Ərdoğan, nazirlər, deputatlar və digər rəsmi şəxslərin iştirak etdiyi bu tədbir Türkiyə Boğazlarında Gəmi Nəqliyyatı Xidmətləri yeni radar sisteminin açılışına həsr olunmuşdu. Radar sisteminin əsas məqsədi Bosfor və Dardanel boğazlarındakı gəmi nəqliyyatının intensiv hərəkəti zamanı baş verə biləcək qəzaların qarşısını almaq və kompüter vasitəsi ilə gəmilərin hərəkət istiqamətini tənzimləməkdir. Çoxlu sayda sərnişin gəmisi və yük tankerlərinin boğazlardan keçərkən təhlükəsizliyini təmin edəcək sistem, eləcə də qaçaqmalçılıqla məşğul olan gəmilərin boğazlara daxil olmasının qarşısını alacaqdır. Quraşdırılması dörd il çəkən radar sistemi 45 milyon ABŞ dollarına başa gəlmişdir.
Bölmənin digər xəbərləri
