TÜRKİYƏ GÜRCÜSTANIN SƏRHƏD XİDMƏTİNƏ YARDIM ETMİŞDİR

27.04.2006 [11:28]
Çap et
A⁺ A^-

AZƏRTAC-ın xüsusi müxbiri xəbər verir ki, ikitərəfli əməkdaşlıq çərçivəsində Türkiyə aprelin 26-da Gürcüstanın sərhəd mühafizə xidmətinə yardım etmişdir. Türkiyə Gürcüstanın Dövlət Sərhəd Mühafizə Departamentinə təmənnasız olaraq ümumi dəyəri 677 min dollardan artıq yeddi hərbi-taktiki maşın, “Lənd Rover” tipli bir səhra-təmir avtomobili, iki kompyuter dəsti vermişdir.

Bütün bu texnika Gürcüstan Sərhəd Departamenti ilə Türkiyə Silahlı Qüvvələri Baş Qərargahı arasında əldə edilmiş razılaşmaya uyğun olaraq ayrılmışdır.

Son illər Türkiyə Gürcüstan Sərhəd Departamentinin yenidən qurulmasına və təchizatına, kadrların hazırlanmasına yardım göstərir.

Parlamentin təsdiq etdiyi Gürcüstan milli təhlükəsizlik konsepsiyasına uyğun olaraq, Türkiyə bu ölkənin strateji tərəfdaşlarından biridir.