TÜRKİYƏ KANADAYA ETİRAZINI BİLDİRMİŞDİR

26.04.2006 [10:56]
Çap et
A⁺ A^-

AZƏRTAC-ın xüsusi müxbiri xəbər verir ki, Türkiyənin Xarici İşlər Nazirliyi Kanadanın Baş naziri Stiven Harperin əsassız erməni iddialarını “soyqırımı” kimi dəyərləndirən bəyanatına etirazını bildirmiş, bunun rəsmi Ankara tərəfindən narazılıqla qarşılandığını açıqlamışdır.

Nazirliyin yaydığı açıqlamada deyilir ki, Ankaranın müttəfiqi olan Kanadanın Türkiyə əleyhinə fəaliyyət göstərən, tarixi təhrif edərək nifrət və dözümsüzlük yayan lobbilərə dəstək verməsi onu göstərir ki, rəsmi Ottava bu ölkədə türk hərbi attaşesinin və kanadalı təhlükəsizlik xidməti əməkdaşının erməni terrorçuları tərəfindən qətlə yetirilməsindən, habelə, Ankaranın səfiri və ticarət attaşesinin yaralanması kimi hadisələrdən heç bir dərs almamışdır.

Türkiyə siyasi məqsəd daşıyan, təhrif olunmuş birtərəfli tarix yaratma və yalanları həqiqət kimi qələmə vermə təşəbbüslərini rədd edir və qınayır.