İDMAN
Türkiyə Superliqası: “Qalatasaray” və “Fənərbağça” qələbə qazanıb, “Beşiktaş” xal itirib
Bakı, 10 noyabr, AZƏRTAC
Futbol üzrə Türkiyə Superliqasında XII tura yekun vurulub.
AZƏRTAC xəbər verir ki, son oyun günündə İstanbul nəhəngləri meydana çıxıblar.
“Qalatasaray” doğma meydanda “Samsunspor”a 3:2, “Fənərbağça” “Sivasspor”a 4:0 hesabı ilə qalib gəlib. “Beşiktaş” isə səfərdə “Başakşəhər”in müqavimətini qıra bilməyib - 0:0.
Qeyd edək ki, hazırda turnir cədvəlinə 31 xalla “Qalatasaray” başçılıq edir. Liderdən 5 xal az toplayan “Fənərbağça” 2-cidir. “Beşiktaş” isə 21 xalla 5-ci pillədə qərarlaşıb.
Bölmənin digər xəbərləri
