TÜRKİYƏ TUŞİNODAKI TERROR AKTINI PİSLƏMİŞDİR
AZƏRTAC-ın müxbiri xəbər verir ki, iyulun 7-də Türkiyə Xarici İşlər Nazirliyi bəyanatla çıxış edərək, iyulun 5-də Tuşinoda kamikadze qadınların törətdikləri və günahsız insanların həlak olması ilə nəticələnən terror aktını pisləmişdir. Bəyanatda deyilir: “Türkiyə həmişə vurğulayır ki, hər hansı problemi terror üsulları ilə həll etmək mümkün deyildir. Rəsmi Ankara kim tərəfindən və hansı məqsəd naminə törədilməsindən asılı olmayaraq, hər cür terror əməllərini pisləyir”. Türkiyənin xarici siyasət idarəsi terror aktı nəticəsində həlak olanların ailələrinə başsağlığı vermiş və yaralıların tezliklə sağalmasını arzulamışdır.
Bölmənin digər xəbərləri
