Türkiyədə ikinci qar uçqunu nəticəsində ölənlərin sayı 26 nəfərə çatıb
Ankara, 5 fevral, AZƏRTAC
Türkiyənin Van-Bahçesaray magistralının 33-cü kilometrliyində baş vermiş ikinci qar uçqunu altından 26 nəfərin cəsədi çıxarılıb, müxtəlif bədən xəsarətləri alan 53 nəfər xəstəxanalara yerləşdirilib.
AZƏRTAC xəbər verir ki, qar uçqunu altından yaralı olaraq çıxarılanlar arasında ölkənin Fövqəladə Halların İdarə Olunması Agentliyinin (AFAD) Van müdiri Osman Uçar və Türkiyə Prezidentinin baş məsləhətçisi Gülşən Orhan da var.
Bölgədə dünən axşam saatlarında baş vermiş qar uçqunu altında qalanların axtarış-xilasetmə işləri zamanı ikinci faciə meydana gəlib. Uçqun altında ölkənin Fövqəladə Halların İdarə Olunması Agentliyi (AFAD) və digər xidmətlərin xilasediciləri qalıb.
Xatırladaq ki, fevralın 4-də bu bölgədə birinci qar uçqunu nəticəsində beş nəfər həlak olub. Beləliklə təbii fəlakət zamanı həlak olanların sayı 31 nəfərə çatıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
